1. Ein lieb ich mir vil nahe trage des ich zeguote nie vergas des ere singe ich vnd sage mit guoten triu- wen mein ich das . si mvos mir iemer sin vor allen wiben an dem mvote wil ich manigiu iar beliben . was bedarf ich leides mere . wan dc ich si froemde dc mvet mich dike sere.

2. Es wirt ein man der sinne hat vil lih te selic vnd wert der mit den liuten vm begat des herze niht wan eren gert. dc wen det im sin vngemvote. sich sol ein man fli sen maniger guete . ist ieman der dc nide. dc ist ein so gefueger schade den ich fuor al die werlt vil gerne lide.

3. Es ist ein nit der niht enkan . verheln an den liuten sich . war vmbe sprichet manic man wes toert sich der vnd meinet mich dc kvnde ich im gesagen ob ich wol de ich en wande niht dc ieman fragen sol de er enpfiege schoner sinne wawn nie man lebt er envinde wol sines herzen koniginne.

4. si koment vnderwilent her die bas da heime moehten sin . ein ritter des ich lange ger . bedahte er bas den willen min . so we er zallen ziten hie . als ich in gerne sehe . owe was svochent die . die niden dc ob ie man guoter lieb geschehe.

5. Mir ist beschehen dc ich niht bin . langer fro wawn vntz ich lebe . si wundert wer mir schonen sin . vnd dc hohgemvete gebe dc ich zeder werlte niht getar . zerehte also gebaren . nie genam ich frowen war . ich wer in holt die mir zemasse waren.

6. Genade svochet an ein wib . min dienst nv vil manigen tac. durh einen also guo ten lib . die not ich gerne liden mac . ich weis wol dc si mich geniessen lat . miner gros sen stete . wa neme si so boesen rat . dc si an mir missetete .

7. Gnaden ich gedenken sol . an ime der mi nen willen tuot . sit dc er mir getrv wer wol . so wil ich hoehen sinen mvot . wese er mit rehter stete fro . ich sage im liebiu mere . dc ich in gelege also mich duhte es vil ob es der keiser were

8.Ichhanvil ledeklichebraht. in ir genade mihen lib . vnd ist mir noh vil vngedaht . dc iemer werde dehein ander wib . div von ir gescheide minen mvot . swc diu werlt mir zeleide tuot . dc belibet von mir vnge klaget . wan ir niden moht ich nie so wol erliden . ein liebes mere ist mir gelaget.

9. Mir kvmt eteswenne ein tac . dc ich vor vil gedanken niht . geseingen noh gela chen mac . so wenet menger der mich seht . dc ich in grosser swere si . mir ist vil lih te ein froiede nahe ir wil diu schone triu we enpflegen vnd diu gvote . so ist also wol mir zemvote als der bi frowen hat gelegen.

10. Ich wide iemerlichen alt. sol mich diu werlt also vergan . dc ich dekeinen gewalt . an minen lieben fiunde han . dc er tete ein teil des willen min . mich mvet vnd sol im ieman lieber sin . botte nv sage im niht me . wan mir ist leide vnd fiurhte des dc sich scheide diu triuwe der wir plagene.

11. Wie ist im zemvote wundert mich . den herzekliche lieb geschiht . er selig man da sweit er sich als ich wol were ich enweis es niht doch sehe ich gerne ie er tete . ob er iht pflege wunnekla cher stete . diu sol im wesen von rehte bi got gebe dc ich erkenne noch wie solhem lebenne si.

12. Ich weis bi mir wol dc ein zage . vnsanf te ein sinnig wib bestat . ich sach si wen ne ich alle tage . dc mich des iemer wun der hat . dc ich niht redde swas ich wol te . als ich sin beginnen vnderwilent solte . so gesweie ich dc ich niht ensprach . wan ich wol wisse dc nieman lieb vor ir ge schach

13. Do sprechens zit was wider diu wib . do warb ich als ein ander man . do wart mir einiu als der lib von der ich nie wan leit gewan . do wande ich ie si woltes wenden . bete ich si noch ich kvndes niht verenden . nv han ich mir ein leben genomen . dc sol ob got von himel wil mir zebessern statten komen .

14. Ich lebte nach der liute sage . wan dc si niht geliche iehent ale ich ein hohes herze trage . vnd si mich wol gemvote sehent . des spottet einer sere . der an der giht mir si diu froeode ein ere . nvn weis ich wem ich volgen sol . het ich wisheit vnd sin so ret ich gerne wol.

15. Gewan ich ie deheinen mvot der hohe stuont den han ich noch . min leben dvnket mich vil gvot . vnd ist es niht so wen ichs doch. es tvot mir wol was wil ich sin mere . vnd furhte vnrehten spot niht zesere . vnd kan wol liden loesen has. solt ich sin also die lenge pflegen ich ger te sin niemer bas .

16. Min herze ist swere zaller zit . swenne ich der schonen niht ensihe . si mvgen es lassen ane nit . ob ich der warheit im vergihe . wan si mir wonet in minen sinne . vnd ich die lieben ane masse minne . naher danne in dem herzen min . sine moehte von ir gvete mir niht lange froemde sin.

17. Mich gerov noch nie das ich den sin an ein so schone wib verlie . es dvnket mih ein guot gewin ir gruos mich minneklich enpfie . vil gerne ich ir des iemer lone . si enpfie . vil gerne ich ir des iemer lone . si lebt mit zuhte wunneklichen schone . der tv genden si geniessen sol . mir geviel in minen ziten nie ein wib so rehte wol.

18. Got hat gezieret wol ir leben . also dc michs genvegen wil. vnd hat zefroeiden mir gegeben . an einen wibe liebes vil sol mir ir stete komen zegvote . dc gilt ich ir mit semlichen mvote . vnd nide nieman dvch sin heil . wand ich zewunsche danne han der werlde minen teil.

19. Ist dc mich dienest helfen sol . als es mangen hat getan. so gewinnet mir ir hulde wol. ein wille den ich lange han . der riet mir dc ich si bete . vnd zvrnde sis dc ichs dannoh tete. nv tuon ich es swas so mir geschiht. in reiner wise ein selig wib lasse ich so lihte niht.

20. So es iender nahet gegen dem tage. so ge tar ich niht gefragen ist es tac.dc kv mir von so grosser klage.dc es mir niht zehelfe komen mac. doch gedenke ich wol das ich sin anders pflag. hie vor do mir diu sorge niht so zeherzen lac. iemer an dem morgen troeste ich mich der vogel sanc. mir enkome ir helfe an der zit. mir ist beide sv mer vnd winter alzelanc.